Qué son as Ilusións Ópticas?

Unha ilusión óptica é calquera ilusión do sentido da vista que nos leva a percibir a realidade de forma errónea, un erro na interpretación que fai o noso cerebro sobre os sinais que o ollo lle envía.

Grazas a este “erro” de apreciación, podemos disfrutar das sensacións únicas e incribles que nos brindan as Ilusións Ópticas.

E podemos transformar ese suposto “erro” nunha experiencia didáctica, nunha experiencia divertida, convertila nunha experiencia única.

Unha exposición única

Esta exposición recolle unha selección das mellores e máis efectivas Ilusións Ópticas, desde as máis clásicas e que levan sorprendendo desde hai séculos, ata as máis novedosas e impactantes.

Un conxunto de máis de cincuenta Ilusións Ópticas que non van deixar indiferente a ninguén.

O seu formato, coidadosamente elaborado, os seus contidos, dirixidos a todos os públicos, invitan ao espectador a ser protagonista.

O seu carácter lúdico, didáctico e interactivo, fan desta exposición unha actividade única e diferente, ata agora nunca vista no noso país.

O éxito desta exposición está garantido polo inxeño e talento dos seus creadores, dous recoñecidos expertos en sorprender ao público:
O Mago Vituco e o Mago Romarís.

O público

O público, calquera que sexa a súa idade, vese cautivado por cada unha das Ilusións Ópticas que lle son presentadas, e vese animado a interactuar con elas.

Síntese protagonista nestas experiencias, e despois de tocar, medir, comprobar e poñer a proba o seu sentido visual, seguirá sen poder crer o que está a ver.

Hologramas, anamorfoses, paradoxas, etc… poñerán a proba o enxeño de cada participante.

Invitamos ao público a descubrir e coñecer con nós o porqué e o cómo destas fabulosas e fascinantes Ilusións Ópticas en “VER PARA CRER”.